Axmed Siilaanyo oo Magacaabay ku-xigeennada Gudoomiyayaasha Ololaha KULMIYE ee Gobolada Galbeedka iy

Hargeysa (Togdhnews)- Guddoomiyaha Xisbiga KULMIYE, Axmed Maxamed Maxamuud (Siilaanyo) ayaa soo saaray magacyada Guddoomiyekuxigeenada ololaha Doorashada ee Gobolada Bariga iyo




Galbeedka Somaliland oo ka kooban Afar xubnood, kuwaas oo kaalinaya Labada Guddoomiye ee Ololaha doorashada ee Xisbigu u magacaabay gobolada Bariga iyo Galbeedka Somaliland, Dr. Maxamed Cabdi Gabboose (Gobolada Bariga) iyo Baashe Cabdi Gaboobe (Gobolada Galbeedka).

Guddoomiyaha Xisbiga KULMIYE, Axmed Siilaanyo, qoraal rasmi ah oo uu soo saaray 27 April, waxa uu Guddoomiye-ku-xigeennada ololaha doorashada ee Gobolada Galbeedka iyo Bariga u magacaabay xubnahan:

1. Cali Siciid Reygal......... Ku-xigeenka Guddoomiyaha Bariga

2. Axmed X. Cali Cadami.... Ku-xigeenka Guddoomiyaha Bariga

3. Xusni Maxamed Warsame.....Ku-xigeenka Guddoomiyaha Galbeedka

4. Cabdi Siciid Faahiye............ Ku-xigeenka Guddoomiyaha Galbeedka.

Guddoomiyuhu qoraalka magacaabista xubnahaas wuxuu ku yidhi, "Mudanayaal, kadib markii ay lagama maarmaan noqotay in la buuxiyo jagooyinkaas, aadna aan uga baaraandegey inaan helo ciddii hawshaa qaban lahayd, waxaan idiin gartay in aad noqotaan hawlwadeenadii kaalin lahaa Guddoomiyayaasha ololaha Doorashada ee Bariga iyo Galbeedka Somaliland ee Doorashada Madaxtooyada ee foodda inagu soo haysa."

Xisbiga Kulmiye ayaa beryahan dambe ku hawlanaa dhismaha guddiyada ololaha doorashada soo socota
Digaale News Desk